Barcelona do të mund të llogarisë sërish te një nga lojtarët kyç për ndeshjen e sotme. Klubi katalanas njoftoi zyrtarisht në rrjetin X se Raphinha është rikuperuar plotësisht nga dëmtimi dhe është i gatshëm për t’u grumbulluar për sfidën e javës së 24-t të La Liga-s ndaj Gironës.
Më herët, 29-vjeçari kishte munguar në disa ndeshje për shkak të rrezikut të rikthimit të dëmtimit, i cili mund t’i rrezikonte edhe pjesën tjetër të sezonit. Tani, stafi mjekësor i Barcelonës ka konfirmuar se nuk ka më rrezik dhe lojtari është 100% i gatshëm.
Këtë sezon, Raphinha ka luajtur 22 ndeshje në të gjitha kompeticionet, duke shënuar 13 gola dhe dhënë 5 asistime. Kontrata e tij me Barcelonën zgjat deri në 2028, ndërsa Transfermarkt e vlerëson në 80 milionë euro.
