Gjatë gjithë 24 orëve të ardhshme, territori i Shqipërisë parashikohet të jetë nën ndikimin e motit të kthjellët, me më shumë diell në zonat bregdetare dhe të ulëta. Ndërkohë, zonat malore në verilindje dhe juglindje do të përjetojnë kthjellime të ndërthurura me vranësira të shpeshta.
Pasditja do të sjellë një shtim të vranësirave, por atmosfera do të mbetet e qëndrueshme edhe gjatë natës.
Temperaturat e ajrit do të zbresin në orët e para të mëngjesit, ndërsa gjatë ditës do të shënojnë rritje. Vlerat do të variojnë nga 5°C në qarkun e Dibrës, deri në 28°C në disa qytete të zonës së ulët.
Era do të fryjë e lehtë nga drejtimi veriperëndimor, me shpejtësi që mund të kalojë 30 km/h. Si pasojë, në brigjet detare pritet dallgëzim i ulët.
