Në përputhje me Planin e Masave nr. 1261, datë 23.01.2026, ka filluar procesi i transferimit të të dënuarve nga Institucioni i Ekzekutimit të Vendimeve Penale (IEVP) Fushë-Krujë në institucione të tjera për vuajtjen e dënimit, për shkak të rikonstruksionit të IEVP-së. Gjatë këtij procesi, janë transferuar gjithsej 142 të burgosur: 85 të burgosur janë dërguar në IEVP Peqin dhe 57 në IEVP Durrës.
Për të siguruar një kalim të qetë dhe të sigurt të të burgosurve, janë marrë të gjitha masat e nevojshme. Forcat operacionale, nën drejtimin e specialistëve, kanë shoqëruar të burgosurit gjatë gjithë udhëtimit. Po ashtu, janë njoftuar autoritetet përkatëse, përfshirë Drejtorinë Vendore të Policisë Tiranë, atë të Elbasanit dhe komisariatet relevante, në përputhje me itinerarin e paracaktuar.
Autokolona me 57 të burgosur ka mbërritur në IEVP Durrës pa asnjë problem. Institucioni ka marrë masat e plota për pritjen dhe kontrollin e tyre, duke u siguruar që gjithçka të shkojë sipas procedurave standarde. Po ashtu, edhe autokolona me 85 të burgosur ka mbërritur në IEVP Peqin pa incident. Të dyja institucionet kanë zbatuar procedurat e nevojshme për sistemimin e të burgosurve, nën mbikëqyrjen e drejtorëve të tyre.
Ky proces i transferimit është zhvilluar në mënyrë të sigurt dhe të organizuar, duke u përputhur plotësisht me aktet ligjore dhe rregulloret në fuqi. Të gjitha këto veprime tregon angazhimin e autoriteteve për të siguruar një sistem efektiv të heqjes së lirisë dhe për të ruajtur rendin dhe përgjegjshmërinë në institucionet penale. Procesi është një shembull i mirë i bashkëpunimit mes institucioneve të ndryshme për të garantuar një transfertë pa probleme në përfitim të të burgosurve dhe sigurisë publike.
