Reshjet e fuqishme të shiut kanë shkaktuar çarje të karrexhatës në aksin “Përmet–Çarçovë”, në afërsi të Urës së Petranit, duke e bërë të pakalueshëm segmentin rrugor.
Për pasojë, lëvizja drejt dhe nga Çarçova është ndërprerë. Banorët dhe udhëtarët janë detyruar të gjejnë rrugë të tjera, pasi nuk ka të dhëna se kur do të rikthehet qarkullimi normal.
Dëmtimet në rrugë vijnë në vazhdën e problemeve të shumta të shkaktuara nga moti i keq në jug të vendit.
