Në pjesën më të madhe të territorit vendi ynë do të mbetet nën ndikimin e vranësirave dhe reshjeve të shiut. Moti i paqëndrueshëm do të përfshijë kryesisht zonat Qendrore dhe Jugore, ku priten rrebeshe shiu të intensifikuara.
Pjesa e dytë e ditës do të sjellë shtimin e shirave në pothuajse të gjithë vendin, përjashtuar vijën bregdetare, ku reshjet do të jenë të dobëta dhe lokale.
Ky destabilitet i atmosferës do të vazhdojë edhe gjatë natës, ku temperaturat e ajrit do të regjistrojnë një rritje të ndjeshme në orët e mesditës, nga 3°C në Bulqizë, deri në 23°C në Shkodër dhe Durrës. Era do të jetë mesatare deri e fortë, me shpejtësi mbi 38 km/h nga drejtimi verior, gjë që do të shkaktojë dallgëzim deri në 3 ballë në brigjet detare.
