Në orët e para të mëngjesit të sotëm policia ka nisur një aksion blic në qytetin e Shkodrës. Aksioni policor ka nisur rreth orës 05:30 dhe dyshohet se ka lidhje me masakrën e Dobraçit.
Raportohet se forcat RENEA kanë zbarkuar në banesën e Safet Bajrit ku pritet shoqërimi i tij për t’u marrë në pyetje nga policia.
Por ende nuk ka informacion të saktë nëse ka persona të tjerë të arresyuar apo shoqëruar.
Kujtojmë se Qyteti i Shkodrës u trondit pasditen e 30 tetorit 2024 nga masakra ku humbën jetën 23-vjeçari Hamza Lici, 32-vjeçari Arlind Bushati, dhe çifti i pafajshëm i bashkëshortëve, Flutura e Bashkim Basha.
Edhe pse ka kaluar 3 muaj dhe hetimet vazhdojnë, nuk dihet ende kush janë personat të cilët qëlluan nga një makinë drejt makinës, tip Benz S-Class, ku po udhëtonte Hamza Lici dhe Arlind Bushati dhe një person i tretë.
Nga të shtënat makina që drejtohej nga Hamza Lici, 23 vjeç humbi kontrollin dhe përplasi motorin ku udhëtonin dy qytetarë të pafajshëm, çifti Flutura dhe Bashkim Basha.
Flutura Basha humbi jetën në vendngjarje. Ndërsa Arlind Bushati humbi jetën, po atë ditë pak orë më pas në spital Tre ditë më pas vdiq në spital edhe Bashkim Basha.
Në makinë me Licin dhe Arlind Bushatin udhëtonte dhe një person i tretë, që dyshohet se është Ibrahim Lici. Ky I fundit ka dalë nga makina i ka dhënë ndihmën e parë të vëllait dhe është larguar nga vendi i ngjarjes pasi ka ardhur ambulanca.
Dha sa i përkest çështjes së masakrës që tronditi “kryeqëndrën” e veriut, Prokuroria e Shkodrës ka shpallur moskompetencën, duke ia kaluar dosjen Prokurorisë së Posçme (SPAK), për shkak se ka dyshime se ngjarja është kryer nga një grup i strukturuar kriminal.
