Forca të shumta policie, RENEA, FNSH dhe Shqiponjat kanë “zbarkuar” mëngjesin e kësaj të premte në qytetin e Pogradecit.
Burime për mediat bëjnë me dije se gjatë orëve të para të mëngjesit të sotëm, efektivë të shumtë kanë zhvilluar kontrolle në disa zona të qytetit juglindor. Ky operacion është duke u zhvilluar me qëllim gjetjen dhe sekuestrimin e lëndëve narkotike, por edhe armëve të zjarrit si dhe personave të shpallur në kërkim.
Forcat RENEA mësohet të kenë rrethuar dhe kontrolluar edhe banesën e të shumëkërkuarit të drejtësisë, Erjon Llapushi.
Deri më tani në kuadër të këtij operacioni janë sekuestruar armë zjarri, armë gjahu, armë të ftohta, shuma parash dhe lëndë narkotike.
