Marca raporton se Real Madrid ka hequr dorë nga ideja për të transferuar Alexander-Arnold brenda merkatos së janarit, duke shpresuar që anglezi të transferohet tek ata si lojtar i lirë në verë.
Kontrata e mbrojtësit skadon në verë dhe deri tani nuk ka pranuar të rinovojë me të kuqtë dhe sipas të gjitha gjasave ai do të transferohet te Real-i falas.
Drejtuesit e klubit madrilen e donin anglezin që në janar, por kanë hequr dorë nga kjo ide sepse është e pamundur të gjejnë akordin me Liverpool-in. Duke qenë se Dani Carvajal ka një dëmtim të ligamentit ACL dhe praktikisht e ka mbyllur sezonin, Real-i i ofrojë në ditët e para të janarit Liverpool 25 milionë euro, por oferta u refuzua.
Drejtuesit e klubit madrilen janë të bindur që anglezi do vijë si lojtar i lirë pas 6 muajsh dhe kanë vendosur të presin. Në anën tjetër, te Liverpool-i nuk i kanë humbur ende shpresat se mund të arrijnë të bidin mbrojtësin për të rinovuar kontratën.
