Kreu i qeverisë, Edi Rama, ditën e sotme ka folur lidhur me reagimin që pati Shoqata e Gjyqtarëve për çështjen e rritjes së pagave.
Sipas Ramës, një kërkesë e tillë është unike në historinë e Europës, ndërsa shtoi se qëndrimi i shoqatës bie ndesh me realitetin ekonomik dhe parimet e drejtësisë sociale.
Rama: Jam këtu sepse jam në komunikim të drejtpërdrejtë, sepse jam absolutisht i surprizuar, nga një reagim i pabesueshëm i Shoqatës së Gjyqtarëve lidhur me shqetësimn e ngritur nga unë publikisht, për një përpjekje që në këndvështrimin tim është e pajustfikueshme, e papranueshme, e pagëlltitshme për t’iu imponuar parlamentit dhe qeverisë, përmes pushtetit gjyqësor, për t’i rritur pagat vetes dhe gjyqtarëve, me gjyq. Këtë shqetësim e kam ngritur si palë, për të mbrojtur interesin e vet, në këtër rast, në gjykatë, pra në emër të pushtetit ekzekutiv. Është hera e dytë që ndodh, që ka një habi, shoqëruar me një përpjekje për të më mbyllur gojën, kur po flas për çka përfaqësoj në emër të shqiptarëve, për një interes që jemi në gjyq. Jemi palë dhe shoqata e gjyqtarëve shfaqet si parti politike me një gjuhë të papranueshme dhe pajustifikueshme për ata që përfaqësojnë pushtetin gjyqësor. Me këtë tentativë në Gjykatën Kushtetuese, doni të jeni ligji. Kjo është e vërteta, Ju kërkoni 37 milionë euro nga buxheti i shtetit.
