Kryeministri Edi Rama duke iu përgjigjur komenteve në rrjetet sociale në rubrikën “Sy m’sy” theksoi se korrupsioni në Shqipëri po luftohet më shumë seç është luftuar ndonjë herë tjetër. Rama gjithashtu tha se për herë të parë po ndodh që njerëz të lidhur me pushteti politik po thirren nga prokurorë dhe gjykatës të pavarura nga pushteti politik.
“Korrupsioni në Shqipëri po luftohet më shumë seç është luftuar ndonjë herë tjetër. Për herë të parë, po ndodh, që njerëz të lidhur me pushteti politik po thirren nga prokurorë dhe gjykatës të pavarura nga pushteti politik, për herë të parë, kush thotë se kjo s’ka lidhje me mua dhe PS, nuk thotë të vërtetën, jemi unë dhe PS që e kemi sjellë këtë risi historike në jetën shqiptare, që nga 1912. Ky është kulmi i vullnetit për të luftuar korrupsionin”, tha Rama.
