Kryetari i Partisë Socialiste, Edi Rama, ka vijuar turin elektoral në kuadër të mbylljes së fushatës zgjedhore, ku nga Lushnja theksoi rëndësinë e votës së çdo qytetari më 11 maj, për të ardhmen e Shqipërisë në Bashkimin Europian.
“Është magjepsëse të mendosh që kjo histori të vije dhe të lidhet me një votë, te vota e secilit prej nesh. Të bashkojmë duart tona, të kapërcejmë hendeqet mes nesh, te mos shohim majtas e djathtas, por vetëm drejtë dhe duke i bashkuar votat tona t’i japin një shtysë Shqipërisë, një fuqi të re për të mbyllur negociatat, për të nënshkruar marrëveshjen dhe për ta çuar Shqipërinë zonjë të asaj shtëpie”, u shpreh ai.
Rama u bëri thirrje qytetarëve që të mos qëndrojnë pasivë deri ditën e votimit, por të angazhohen duke komunikuar me të tjerët dhe veçanërisht me emigrantët që ende nuk kanë kthyer zarfin me votën.
“Deri në atë moment ta shfrytëzoni për të bërë të tjerë me vete, për të telefonuar atyre në emigracion që i kanë marrë zarfet dhe nuk i kanë kthyer mbrapa, ta shfrytëzoni për të folur me ata që janë akoma të lëkundur, për tu folur fqinjëve që deri më sot, kanë qenë në anën tjetër.”, tha ai.
Rama: Është magjepsëse të mendosh që kjo histori të vije dhe të lidhet me një votë, te vota e secilit prej nesh. Të kërkoj që në të bashkojmë duart tona, të kapërcejmë hendeqet mes nesh, te mos shohim majtas e djathtas, por vetëm drejtë dhe duke i bashkuar votat tona t’i japin një shtysë Shqipërisë, një fuqi të re për të mbyllur negociatat, për të nënshkruar marrëveshjen dhe për ta çuar Shqipërinë zonjë të asaj shtëpie. Është vetëm një fletë votimi, vullnet për të votuar, nuk qëllon që zgjedhjet për qeverinë të lihet me historinë….
Ju e dini shumë mire se çfarë duhet të bëni në 11 maj përderisa jeni këtu dhe dëgjoni akoma fjalimet e mia. Ajo që duhet bërë deri në 11 maj nuk është thjeshte që të prisni që të vijë momenti që të shkoni të votonit, por që çdo koment deri në atë moment ta shfrytëzoni për të bërë të tjerë më vete, për të telefonuar atyre në emigracion që i kanë marrë zarfet dhe nuk i kanë kthyer mbrapa, ta shfrytëzoni për të folur me ata që janë akoma të lëkundur, për tu folur fqinjëve që deri më sot, kanë qenë në anën tjetër.
Për t’ju thënë se në 11 maj nuk ka dy anë, në 11 maj ka vetëm një drejtim dhe është drejtimi Shqipërisë 2030 në BE. Kam bindjen se ne sot jemi më të ditur, më me eksperiencë, por dua që ju dhe të keni bindjen e në sot jemi më të vendosur se asnjëherë për ta çuar deri në fund misionin tonë.
Tre mandate me radhë ne nuk na kanë lodhur, nuk na kanë hequr dëshirën për të bërë më shumë për vendin, na kanë mësuar shumë dhe po ashtu na kanë bindur çdo ditë e më shumë, se jo vetëm ky vend që po behët është një vend që mund të lulëzojë këtu në mes të Evropës, por edhe se ne do ta bëjë të lulëzoje në mes të Europës duke i dhënë atë që i ka munguar në jetë të jetëve, dinjitetin e barabartë të një vendi europian mes vendesh europiane.
