Kryeministri Edi Rama dhe ministri i Mbrojtjes Pirro Vengu në Zall Herr, në prezantimin e arritjeve dhe sfidat e të ardhmes në fushën e mbrojtjes. Rama u shpreh se deri tani Shqipëria ka ushtrinë më të mirëpaguar të rajonit.
“Kemi bërë ndryshime të mëdha. Është rritur me pesëfish numri i rekrutimeve. Nga ushtria më e keqpaguar është kthyer në ushtria më e mirëpaguar në rajon dhe gati me standardet e NATO-s. Kemi rritur rrogat deri në 1550 euro dhe kemi bërë atë që kemi premtuar. Pra kemi objektiv mesataren e pagës mesatare të ushtrisë së vendeve të përparuara të NATO-s jemi afër asaj dhe po vijojmë punën për të arritur atje”, tha Rama.
