Tiranë – Kryeministri Edi Rama ditën e sotme ishte i pranishëm në Kongresin Ndërkombëtar të Nanoteknologjisë, një hapësirë dialogu dhe mundësish të reja. Rama prezantoi vizionin e qeverisë shqiptare për integrimin e Inteligjencës Artificiale në qeverisje.
Ai u ndal edhe te krijimi i Diellës, ministres së parë në botë me Inteligjencë Artificiale, duke e cilësuar një hap vendimtar drejt modernizimit të shtetit shqiptar.
Rama: Shqipëria një komb që guxon të udhëheqë dhe jo të ndjekë, në ballë të shkencës dhe teknologjisë në këtë rajon. Më lejoni të them që duke krijuar një ministre të Inteligjencës Artificiale, e para në botë, Shqipëria nuk po përqafon thjesht të ardhmen, por po përpiqet të bëjë pjesën e saj për ta projektuar atë. Diella nuk është një lodër, përmes saj ne kemi shndërruar atë që ka qenë domain i së mjegulltës në një algoritëm transparent për të shndërruar pushtetin e shtetit në pushtetin e shërbyesit. Jemi të bindur se do të jemi në gjendje që të ofrojmë përmes Diellës një instumet të jashtëzakonshëm për t’i bërë tenderat publikë të hapur, transaprentë dhe me integritet. Shqipëria është një vend që guxon dhe shfrytëzimi i inteligjencës artificiale është një shtyllë themelore e qeverisjes, jo thjesht një instrument. Është përparësi e jona kyçe. Vizioni ynë për Shqipërinë e 2030 në BE është shumë qartësisht i rrënjosur në integritet, novacion dhe udhëheqje shkencore.
Kryeministri Rama theksoi se nanoshkenca dhe nanoteknologjia përfaqësojnë “kampionet e shekullit XXI”, ndërsa paralajmëroi zhvillimin e programeve të reja universitare në këtë fushë. Ai nënvizoi se brenda dekadës së ardhshme, të rinjtë shqiptarë do të kenë mundësi të studiojnë teknologjitë e së ardhmes në vendin tonë.
Rama: Nuk ka dyshim se nanoshkenca dhe nanoteknologjia janë kampione të shekullit XXI dhe ne duhet dhe mundemi që të harmonizojmë arsimin e lartë me strategjinë tonë për inovacionin. Një sërë universitetesh shqiptare po hartojnë programe ndërdisiplinore për sisteme digjitale, inteligjencën artificiale dhe së shpejti nanoshkencat. Kjo është një nevojë e së tashmes. Vizioni ynë është që brenda dekadës tjetër, çdo i ri shqiptar që aspiron të studiojë teknologjitë e së ardhmes të mund ta bëjë këtu, në shtëpi. Ky investim në arsim nuk ka të bjë vetëm me prodhimin e shkencëtarëve apo inxhinierëve, por ka të bëjë me krijimin e një hapësire për njerëzit që të mendojnë në mënyra novatore, të krijojmë një brez novatorësh që do të çojnë përpara ekonominë shqiptare. Shqipëria është shumë e angazhuar që çdo euro e investuar në shkencë, të përkthehet në përparim të prekshëm, në llogaridhënie dhe mundësi për të rinjtë tanë.
