Kryeministri Edi Rama mbajti sot një fjalim në takimin Inagurues të Komitetit të Përbashkët Konsultativ me Komitetin Ekonomik dhe Social të BE, që shënon një hap të rëndësishëm në rrugën e integrimit europian të Shqipërisë. Gjatë fjalës së tij Rama u ndal tek rrugëtimi i Shqipërisë në BE. Ai tha se historia nuk ka qenë gjithmonë në krahun e vendit tonë dhe rrugëtimi në BE ka qenë i dhimshëm, por pa BE-në Shqipëria nuk do të ishte ajo që është sot dhe nuk do të bënte ato që ka arritur deri tani
“Rrugëtimi ynë është një bekim për të shfrytëzuar të gjitha instrumentet e BE-së për të fituar një transformim të thellë. Nëse shkon në shkuarën e Shqipërisë, në dhimbjen e errësirë, ka ngjashmëri me vende që bota dhe Evropa Perëndimore janë përpjekur të ndryshojnë rrjedhën e historisë. Këto ndërhyrje kanë ndryshuar, nuk kanë bekimin që të kenë krah Bashkimin Europian dhe të jenë në mes të saj.
Të kenë mënyrën se si ndërtohet një vend demokratik. Pa BE-ne, mbështetur në historinë tonë, mbështetur në atë që na është dhënë nga historia jonë, kurrë nuk do të ishim në gjendje të bëjmë atë që jemi. Rrugëtimi është mjaft i dhimbshëm, por ne po përpiqemi dhe po ia dalim me sukses në përballimin e dhimbjes dhe po i japim forcë vetes t’ia dalim mbanë pa u dorëzuar.Ky takim na jep kënaqësi sepse është tablo konkrete, një ngjarje. Faleminderit që keni qenë sindikal duke thyer tavanet e xhamit në Bruksel për ne. Nuk e di se cila do të jetë puna juaj e ardhmen, por duhet të dini që Shqipëria do ju gjejë një punë. Nëse Brukseli hakmerret ndaj jush, ejani në Shqipëri, do ju ofroj çdo punë që dëshironi. Nëse Brukseli hakmerret ndaj jush, ejani në Shqipëri, do ju ofroj çdo punë që dëshironi përveç times”, tha Rama.
