Në eventin “Vajzat dhe gratë socialiste për Shqipërinë 2030”, kryeministri Edi Rama foli me lëvdata për drejtuesen politike të Tiranës, Elisa Spiropali.
Rama tha se gjatë këtyre viteve Spiropali ka hapur shumë dyer për shumë qytetarë që kanë dashur të angazhohen në PS.
Në fjalën e Ramës nuk mungoi as ironia ndaj PD-së lidhur me Hysen Kadiun, i cili ndonëse doli i pari në Primaret e PD-së për qarkun e Tiranës, ai vendosi të tërhiqej nga gara.
Kujtojmë se ish-kryedemokrati i Kavajës Hysen Kadiu i pa përfshirë në listën e mbyllur nuk pranoi të kandidojë në listën e hapur të PD-së.
“Këneta ja gëlltiti Kavajës mu në thellësi të zorrëve të veta fituesin e primareve të gjithë Tiranës, tani mos duartrokisni se është gjynaf ai i shkreti, se ai besoi te primaret edhe përfundoi duke u bluar në zorrët e kënetës që i la me të dy gishtat në gojë demokratët e sinqertë të Kavajës, ndërsa ne i kemi dhënë atij qytete 2 deputete në listën e mbyllur, Elisën dhe Ilvën, kryetaren e Kuvendi dhe zv.ministren e turizmit”, tha Rama.
Edi Rama: Ose ja ku e keni Mamicën këtu, që është kthyer si hapëse e dyersh të pahapura prej vitesh nga Kamza në Shkodër me fitore kuptohet dhe tani në Kavajë. Ku unë për veten time mezi pres ta shikoj ça do dali në 11 Maj. Aq më tepër në kushtet kur këneta ja gëlltiti Kavajës mu në thellësi të zorrëve të veta fituesin e primareve të gjithë Tiranës, tani mos duartrokisni se është gjynaf ai i shkreti, se ai besoi te primaret edhe përfundoi duke u bluar në zorrët e kënetës që i la me të dy gishtat në gojë demokratët e sinqertë të Kavajës, ndërsa ne i kemi dhënë atij qytete 2 deputete në listën e mbyllur, Elisën dhe Ilvën, kryetaren e Kuvendi dhe zv.ministren e turizmit.
