Kryeministri Edi Rama është shprehur se Partia Socialiste ka marrë përsipër që të jetë në pushtet dhe të pavarësojnë pushtetin e drejtësisë nga ai politik.Rama tha se tashmë brinjët do t’ja lënë në dispozicion drejtësisë dhe se për këtë nuk ka asnjë pishman, ndërsa theksoi se e vetmja pikëpyetje është nëse do t’ja dalin ta bëjnë të pakthyeshme refomën në drejtësi.
Rama paralajmëroi prokurorët që të mos guxojnë të shkojnë t’i marrin telefonin, pasi i kanë mbledhur të gjithë telefonat e Shqipërisë. Kreu i qeverisë kërkoi nga prokurorët e GJKKO-së që të merren me faktet. Më tej se kishte dhe një “ngushëllim”, ai tha se Shqipëria është në pozicionin më të mirë lidhur me luftën kundër korrupsionit
Edi Rama: Nuk kam asnjë pishman për këtë, e vetmja pikëpyetje që kam është a do tia dalim ta bëjmë të pakthyeshne reformën në drejtësi, që institucionet ta përdorin pavarësinë për të bërë drejtësi dhe jo politikë.
Mos të bëjnë gabim të vijnë të kërkojnë telefonin tim, boll i kanë. Kanë mbledhur të gjithë telefonat e Shqipërisë. Të shkojnë të merren me faktet. Në vazhdën e indeksit të perceptuar të korrupsionit, Shqipëria dje doli në Transparency International në pozicionin më të mirë që ka qenë ndonjëherë për luftën kundër korrupsionit. Kur ka dalë keq, është bërë lajm, kanë dalë nëpër konferenca, kanë bërë emisione, për këtë s’e di a doli gjëkundi.
