Kryeministri Edi Rama ka paralajmëruar ndryshime në rregulloren e Kuvendit, duke deklaruar se orët në dispozicion të opozitës duhet të ulen, pasi sipas tij janë në disbalancë me ato të shumicës parlamentare.
Rama, i cili në Kuvend shfaqet zakonisht vetëm kur ka ndonjë projektligj që i intereson për t’u votuar, pasi sipas tij janë në disbalancë me ato të shumicës parlamentare.
“Në ndarjen e orëve të fjalës në Kuvend, po të shikosh nga orët duket sikur jemi në një parlament 51 me 49.
Kjo do të thotë se orët e vëna në dispozicion të deputetëve të opozitës janë anomalisht shumë më tepër sesa orët që opozitat parlamentare marrin në parlamentet e vendeve të BE-së
. Nuk dua të them se duhet t’i ulim orët opozitës, por të ndërpriten orët e marra me forcë dhe me abuzim, duke përdorur procedurën për të marrë peng Kuvendin dhe publikun.”, tha Rama.
Rama gjithashtu tha se sipas tij, nga 140 deputetë që ka aktualisht Kuvendi, mund të kalohet në një përbërje me 100 deputetë, çka do të mirëpritej nga publiku dhe do të racionalizonte forcat dhe burimet.
“Duhet të mendohet edhe ngritja e një grupi nismëtar për ndryshimet kushtetuese. Kemi shtruar që në krye të këtij mandati nevojën që parlamenti të zvogëlohet në numër.
Kemi një parlament me 140 vetë dhe mund të kemi një me 100 vetë gjë që do ta mirëpriste publiku, dhe do të racionalizonte forca dhe burime.
Ka edhe aspekte të tjera që duhen rivizuar nga njerëzit që dinë se çfarë shohin, lexojnë dhe shkruajnë kur vjen fjala te Kushtetuta e Shqipërisë”, tha Rama.
