Kryeminsitri Edi Rama gjatë fjalës së tij në darkën e përvithshme festive me Trupin Diplomatik të akredituar në Tiranë është ndalur edhe te sulmet politike dnaj tij dhe qeverisë që ai drejton.
Kryeminsitri tha se vërdallë thuhet se ai fiton se ka përballë një opozitë të dobët dhe kjo është një gënjeshtër e madhe.
Më tej Rama theksoi se ai i fiton zgjedhjet pasi është stërvitur me opozitën më të fortë duke ju referuar bashkëshortes së tij Linda Rama.
“Më lejoni ta mbyll me diçka të veçantë që thuhet lart e poshtë: “Ai fiton, se opozita është e dobët”.
Më lini t’ju them se kjo është një gjysmë e vërtetë, pra një gënjeshtër e madhe, sepse, si burrë, isha i bekuar kur Linda ra dakord të martohej me mua. E si një rrjedhojë e paqëllimtë e këtij bekimi, ndodhi që u bëra Kryeministër me të në krah, që do të thotë, me opozitën më të ashpër. Në shtëpi!
Pa britma, pa sharje, pa shpifje, të cilat, në fund të fundit, i përballon lehtë, por me pyetje të vështira e me argumente të forta për t’u rrëzuar dhe, meqë ra fjala, ose natën vonë, ose herët në mëngjes.
Pra, nëse ka një arsye kryesore për fitoret e mia, është se jam jo vetëm i stërvitur mirë, por edhe në mënyrë të pandërprerë me opozitën më të ashpër dhe më të mirëpërgatitur. Merreni kështu siç po ua them, mund të jetë edhe më keq sesa kaq sa po them!
Për rrjedhojë, më lini të falënderoj sonte këtu edhe opozitën më të fortë dhe më lini t’ju falënderoj të gjithëve nga zemra, edhe në emër të saj, që jeni këtu me ne në këtë mbrëmje të këndshme të përvitshme”, tha Rama.
