Kryeministri i Shqipërisë, Edi Rama, gjatë fjalës së tij në ceremoninë e hapjes së “ITB Berlin 2025”, ftoi turistët nga mbarë bota të vizitojnë Shqipërinë.
Ai tha se nëse do të provosh se si është të jesh një perëndi duhet me patjetër të vizitosh Shqipërinë, nëse do të shohësh një taksist që sillet si perëndi atëherë shko në Greqi.
Sipas Ramës sot Shqipëria është një vend që ofron gjithçka për turistët, por mbi të gjitha ofron atë që e ka kulturë prej vitesh mikëpritjen ose ndryshe Shqip-pritjen.
“Keni dëgjuar ndonjëherë për një ligj në vend që deklaron shtëpitë tona i përkasin zotit dhe mikut. Ndërkohë që një ligj i tillë është shkruar në Shqipërinë mesjetare, dhe është sot pjesë përbërëse e jetës së Shqipërisë, është pjesë e asaj që ne e quajmë Shqip-pritje. Kjo do të thotë të bësh të pamundurën për të nderuar shtëpinë dhe mikun. Kulmi i mikëpritjes shqiptare u dëshmua gjatë Luftës së II Botëtore, duke u bërë i vetmi vend në Europë që pati më shumë hebrenj pas lufte sesa para fillimit të saj. Ne jemi ende një vend myslimanësh, katolikësh dhe ortodoksosh. Megjithatë kur u përballë mes hebrenjve dhe djallit në zgjodhëm hebrenjtë. Kush troket në derën e shtëpisë së shqiptarit e bën këtë prej vullnetit të Zotit. Duke hapur dyert ne trajtojmë një mik si perëndi. Nëse doni të dini si ndihesh si perëndi, hajdeni në Shqipëri. Nëse doni të shihni drejtues taksish që sillen si perëndi, shkoni në Greqi. Gjermani ka qenë në qendër të vëmendjes globale për shkak të zgjedhjeve. Kjo javë në Berlin, bota ftohet të zgjedhjë mes Shqipërisë, Marokut, Spanjës, Maldiveve që marrin pjesë në këtë Kupë Botërore të Turizmit. Kjo është gara e veteme ku eklipi gjerman nuk nis si favorit”, tha Rama.
