“Situata ekonomike është më e qëndrueshme për shumicën dërrmuese”, kështu u shpreh kryeministri Edi Rama në takimin e zhvilluar në Gjirokastër.
Ai theksoi se rritja ekonomike mbështet në themele shumë të forta të situatës financiare.
“Borxhi kur morëm detyrën, ne gjetëm mbi 700 milion euro borxh ndaj kompanive. Ndaj them që shqiptarët në 2013 shpëtuan vendin me votën e tyre nga një katastrofë e dytë si ajo e piramidave, për shkak të një qeverisje totalisht të papërgjegjshme. Të gjitha kompanitë që kishin kontrata me shtetin ishin në një situatë “paralize”. Tenderoheshin rrugë pa lekë…”, tha ai.
Gjithashtu Rama foli për reformën e pensioneve, si edhe për rritjen e pagave. Kryeministri nënvizoi se në Shqipërinë 2030 paga minimale, minimumi do të jetë 600 euro.
Rama bëri përgjegj për situatën e vështirë të krijuar të pensioneve, kreun e PD Sali Berishën, për të cilin tha: “Ai 80 e kusur vjeçari nuk di çfarë flet më dhe do të bëjë corap Shqipërinë, është autori i situatës së atyre pensionistëve të bllokut të parë që fola”.
Më tej shtoi se për shkak të keqqeverisjes në spitale nuk kishte ilaçe gjatë asaj periudhe.
“Të gjitha kompanitë e kontraktuara nuk mund të furnizonin sepse nuk paguheshin. Ne sot kreditë e këqija u kemi ulur dhe po ashtu edhe borxhin…pabarazia në të ardhura ka qenë një tjetër problem shumë i madh. Sot kemi krijuar në qëndrueshmëri pozitive dhe kemi arsye të besojmë se vitet në vijim do të kemi një rritje të mëtejshme të ekonomisë tonë. Për herë të parë Shqipëria ka papunësi nën 10 %. Në Shqipërinë 2030 paga minimale do të jetë minimumi 600 euro…Për pensionet kemi një tjetër pasqyrë shumë kuptim plotë. Në vitet kur u godit ideja e pensionit në mënyrën më barbare ndodhi fillimi i hapjes së një grope shumë të madhe. Shumë njerëz u konsideruan pensionistë në moshën 40 vjeç. Ne nuk kishim një sistem sigurimesh të qëndrueshëm. Kur morëm detyrën ne bëmë reformën për pensionet”, tha ai.
