Kryeministri Edi Rama gjatë fjalës së tij në rublikën e tij në rrjetet sociale “Sy m’sy” u shpreh se Shqipëria sot ka një dritare të hapur për të hyrë në BE. Rama theksoi se kjo është një dritare që nuk qëndron e hapur pafundësisht prandaj duhet ta shfrytëzojmë për të mbyllur negociatat.
Sipas tij historia na ka privuar vazhdimisht nga marrja pjesë në anën e mirë të këtij kontinenti dhe se ky është momenti për të menduar për shqiptarët. Rama shtoi se Shqipëria është vetëm një hap nga realizimi i një ëndrre shekullore. Ai tha se kryeministrat vijnë e ikin por atij i duhet tëqëndrojë edhe pak në këtë post për të përmbushur misionin historik.
“Hiqeni zakonin që të gëzoheni kur diçka e mirë për Shqipërinë vonohet. Hiqeni zakonin e mësuar nga bufi i kënetës. Shqipëria sot ka një dritare të hapur për të hyrë në BE. Është një dritare e hapur por jo pafundësisht prandaj duhet ta shfrytëzojmë për të mbyllur negociatat dhe të fitojmë statusin e munguar për shumë vite mes të barabartëve.
Historia na ka privuar vazhdimisht nga marrja pjesë në anën e mirë të këtij kontinenti. Ky është momenti për të menduar si shqiptarë. Shqipëria vetëm një hap nga realizimi i një ëndrre shekullore. Duhet menduar si shqiptar as socialist as si demokrat. Dhe as sa ministra janë në burg. Fokusohuni te ky mision historik. Kryeministrat vijnë dhe ikin, mua më duhet të rri dhe pak të përmbush këtë mision historik. Duhet marrë hak për poshtërimin që i është bërë popullit shqiptar në breza,” tha Rama.
