Kryeministri i vendit, Edi Rama bëri me dije sa kanë nisur diskutime me organizatorët për të sjellë në Shqipëri eventin e madh sportiv, i njohur si “ Globe Soccer Awards”.Ai theksoi se organizatorët janë në diskutim me Madridin dhe me Shqipërinë. Ai theksoi se kjo do të ishte fantastike nëse organizatorët do të përzgjidhnin Shqipërinë për një eveniment kaq madhështor.
“Ndërkohë jemi në një diskutim së fundmi për të sjellë në Tiranë 95% në Tiranë, sepse jemi duke diskutuar si opsione dhe Durrësin dhe Vlorën, edicionin evropian të çmimit të globit të futbollit, eveniment i jashtëzakonshëm që mbahet në mënyrë të përvitshme sa i përket vetë edicionit global në Dubai dhe për edicionin evropian, organizatorët janë në një diskutim me Madridin dhe me ne.
Kemi shumë arsye të besojmë se zgjedhja do të bjerë mbi ne dhe do të jetë fantastike që për shembull çmimin e futbollistit më të mirë të vitit nga “Globe Soccer” Lamine Yamalit fjala vjen t’ja japim këtu në Tiranë. Po punojmë edhe me Padel International, është një tjetër aktivitet i jashtëzakonshëm që ka mbulim të jashtëzakonshëm mediatik në të gjithë botën dhe po punojmë që të sjellim në Shqipëri një edicion të tij.”,theksoi Rama.
