Kryeministri Edi Rama, njëherësh kryetar i PS, gjatë prezantimit të kandidatëve socialistë në qarkune Sgkodrës, është ndalur sërish te drejtësia.
Ai tha se asksuh më aprë nuk e kishte imagjinuar, e jo më të shihte një drejtësi të pavarur si kjo e sotma, ku zyrtarë e ish-zyrtarë të japin llogari para drejtësisë.
“Për herë të parë po shohim një përpjekje për të pasur barazi para ligjit. Për herë të parë po shohim që njerëz të fuqishëm të lidhur me pushtetin politik po u kërkohet llogari para një drejtësie që nuk kontrollohet nga pushteti. Por kjo mund të kthehet prapësht një ditë. Jemi ne që jemi garant. Ne kemi bërë dorëzimin e shpatës së ndëshkimit që është në duart e drejtësisë, por që shpata ishte në zyrën time, para se të isha unë ishte tek zyra e atij tjetrit e kështu me radhë. Po të hynte pushteti politik drejtësia nuk bënte dot asgjë. Altin Dumani mund të ketë 20 vjet që është prokuror.
E kishit dëgjuar ndonjëherë ju? Jo. Kishit parë ndonjë ministër të shkonte në prokurori, të jepte llogari, të shkonte në gjykatë të dënohej apo të arratisej? Jo, as ju as prindërit tuaj, as gjyshërit tuaj. Ka pasur vetëm njerëz të dënuar me urdhër nga i pari i qeverisë. Kjo ndodh vetëm për një arsye. Kjo ndodh sepse ne, PS vendosem ti hyjmë detit me këmbë dhe të marrim përsipër sprovën më të egër, që të pavarësojmë drejtësinë nga pushteti politik, dmth të dorëzojmë pushtet nga pushteti që ishte pjesë e pushtetit tonë dhe tja lëmë një trupe tjetër që ska lidhje me pushtetin tonë dhe të ekspozohemi karshi asaj trupe sepse puna e asaj trupe është që të bëjë barazi para ligjit për të gjithë”, tha Rama.
Më tej kreu i PS tha se në 11 maj gjithçka është e qartë shqiuptarët duhet të zgjedhin mes pasaportës së BE dhe Bufit të Kënetës, ndësa nuk mungoi dhe ironia me programin e “Aleancës për Shqipërinë Madhështore”.
“Po i thosha pak më parë Benetit, duhen pastruar këto trotuaret se bën vaki fiton Këneta, e në 12 maj ata do e shtronjnë rrugët me qofte, e krap e çtë them unë”, tha Rama duke qeshur.
