Kryeministri Edi Rama ka emëruar në krye të Ministrisë për Europën dhe Punët e Jashtme, Elisa Spiropalin.
Duke numëruar të gjitha mangësitë e kësaj administrate, Rama është shprehur se nën drejtimin e Spiropalit, Shqipëria do të jetë e aftë dhe e denjë për të përballuar të gjithë peshën diplomatike që i duhet vendit tonë për tu përballur në procesin e integrimin në BE.
“Ministria për Europën dhe Punët e Jashtme është një tjetër vendmbledhje pluhurash. Ministria e Jashtme jeton në një zonë orare tjetër. Një zonë orare ndryshe nga ora e Shqipërisë. Ndërkohë që shërbimi i jashtëm, është një trupë qe ecën me xhiro të ngadalësuara dhe nuk jep dot atë që me të drejtë pritet prej tij. Sidomos në planin e diplomacisë ekonomike, rezultatet janë modeste, nuk ndryshojnë dhe janë shkurajuese.
Në këtë fazë të re, ku na duhet të përgatitemi për një ofensivë diplomatike si asnjëherë më parë, duhet që të çojmë në maksimum mbështetjen politike të anëtarësimit dhe na duhet në krye të diplomacisë një profil maksimalisht politik dhe me aftësi të spikatur për të mos i pushuar goja qe është Elisa Spiropali”, tha Edi Rama.
Elisa Spiropali deri më tani ka mbajtur postin e kryetares së Kuvendit të Shqipërisë, ndërsa më parë kaq drejtuar Ministrinë e Shtetit për Marrëdhëniet me Parlamentin, përgjatë periudhës kohore 2019-2024.
