Në Danimarkë zhvillohet takimi i Komunitetit Politik Europian, duke bërë bashkë 45 liderë nga të gjithë vendet europiane.
Kryeministri Edi Rama pak para nisjes së takimit zhvilloi një interviste për mediat duke folur për negociatat, gjithashtu u ndal edhe tek “Diella”. Kryeministri theksoi se “Diella” po punon për transferimin e legjislacionit të BE-së në legjislacionin tonë.
“Kjo është diçka e re dhe si çdo gjë e re që është që të përballet me çdo kritikë, gjë që është gjë e mirë. Por kemi provuar se po funksionon dhe shumë mirë. Ka nisur si një asistente virtuale për shërbime publike për qytetarët dhe ka pasur interaktivitet për 1 milion njerëz, për 1 milion shërbime. Së dyti, ai punon për transferimin e legjislacionit të BE-së në legjislacionin tonë. Kemi qenë në shënjestër, sot kemi mbrojtjen kibernetike më të fortë në Evropë dhe jemi ende shënjestra e armikut të quajtur Iran. Po kundërsulmojnë gjatë gjithë kohës dhe nuk ia dolën të cenojmë sigurinë tonë”, tha Rama.
