Kryeministri i Shqipërisë, Edi Rama, zhvilloi ditën e sotme një bisedë telefonike me presidentin e Ukrainës Volodymir Zelensky. Ka qenë presidenti ukrainas i cili ka dhënë detaje mbi bisedën përmes një postimi në rrjetin social “X”.
Zelensky thekson se në bisedën me Ramën e ka informuar shkurtimisht për situatën në front dhe në diplomaci.
Sipas tij u diskutua gjithashtu si me të gjithë partnerët e tjerë për t’i dhënë fund kësaj lufte dhe për të ndaluar vrasjet sa më shpejt të jetë e mundur.
Postimi i Zelensky-t:
Pata një bisedë të mirë me Kryeministrin e Shqipërisë @ediramaal. E informova shkurtimisht për situatën në front dhe në diplomaci. Po punojmë me të gjithë partnerët tanë për t’i dhënë fund kësaj lufte dhe për të ndaluar vrasjet sa më shpejt të jetë e mundur.
Diskutuam përgatitjet për takime në vende të mëdha ndërkombëtare. Këto do të jenë formate të veçanta angazhimi me partnerët. Do të bëjmë gjithçka për të mbrojtur popullin tonë.
Faleminderit, Edi, faleminderit, Shqipëri, për mbështetjen tuaj të palëkundur për Ukrainën.
