E mbajtur jashtë në Sheshin e Shën Pjetrit, ditën e djeshme mesha për udhëheqësin e ndjerë të Kishës Katolike u ndoq nga dhjetëra mijëra njerëz dhe më shumë se 100 delegacione zyrtare, duke përfshirë krerët e shteteve si presidenti i SHBA Donald Trump dhe presidenti ukrainas Volodymyr Zelenskyy.
Ndërsa një ditë pas cerremonisë së varrimit, qindra njerëz janë duke qëndruar në radhë këtë të dielë për të bërë homazhe në varrin e Papa Françeskut Bazilikën e Santa Maria Maggiores në Romë.
Vendi ku prehet Ati i Shenjtë u hap për publikun një ditë pas ceremonisë së lamtumirës.
Françesku kishte kërkuar të varrosej atje në vend të Shën Pjetrit duke u bërë hera e parë që një Papë të prehej jashtë Vatikanit në më shumë se një shekull. Varri i tij është i thjeshtë dhe ka të shkruar vetëm “Françesku”, emrin e tij në latinisht.
