Vendimi i qeverisë Shqiptare për të mbyllur rrjetin social TikTok, duket se nuk do t’i ndajë dot shqiptarët nga bota e personazheve virtuale dhe kontentit që shpërndahet në këto aplikacione.
Në një kohë kur debati për mbylljen e TikTok përfshiu një shtresë të gjerë të shoqërisë, zgjidhja duket se është gjetur.
Aplikacioni Clapper është një aplikacion social që lejon përdoruesit të krijojnë dhe ndajnë video të shkurtra, duke ofruar një mundësi për argëtim, edukim dhe informim. I ngjashëm me platforma si TikTok dhe Instagram, Clapper ka fituar popullaritet për përmbajtjen e pacensuruar dhe mjedisin më të hapur për shprehjen e mendimeve.
Përdoruesit mund të shpërndajnë video dhe të përfitojnë nga mundësitë e monetizimit përmes dhuratave dhe mbështetjes direkte nga ndjekësit. I disponueshëm për sisteme iOS dhe Android, Clapper është një platformë për individë mbi 17 vjeç, e cila promovon lirinë e shprehjes pa shumë kufizime për përmbajtjen.
Tashmë shqiptarët do të kenë mundësinë e një dritareje të re komunikimi, duke lënë të hapur debatin nëse vendimi i qeverisë do të zgjidhë çështjen e sigurisë së fëmijëve në shkolla.
