Të tjera detaje janë zbardhur për atentatin që tronditi Shkodrën mbrëmjen e djeshme, ku në
ambientet e një lokali në lagjes “Vasil Shanto” u ekzekutua me armë zjarri 34-vjeçari Kristjan Kola.
Gazetari Teodor Gjera teksa ka raportuar nga vendi i ngjarjes, ka zbardhur më tepër detaje për dinamikën e krimit.
Sipas asaj që ai rsportoi, dyshohet që autorët, të cilët kanë qenë më maska dhe kapuçë, kanë qenë duke pritur shënjestrën e tyre para se ta ekzekutonin nga një distancë e afërt.
Nga të dhënët e para, 34-vjeçari nuk rezulton person problematik dhe punonte në ndërtim bashkë me atin.
“Në një distancë shumë të afërt, kur ka qenë duke dalë nga lokali autorët e kanë qëlluar me armë zjarri pistoletë në gjoks disa herë duke e lënë të vdekur në vend, më pas janë larguar me një motoçikletë për të zhdukur gjurmët. Nga të dhënat që kemi nuk është person me precedentë të mëparshëm penale, ka punuar me të atin në një firmë ndërtimi dhe nuk njihet si person me rekorde kriminale. Në momentin kur ka ndodhur vrasja në lokal ka pasur edhe persona të tjerë, por autorët e kanë monitoruar deri në momentin e ekzekutimit shënjestrën e tyre”, raportoi gazetari.
