Një sondazh i realizuar nga “Sonketa” në bashkëpunim me emisionin “Zonë e Lirë”, gjatë javës së fundit, ka zbuluar se si ndahen mandatet mes partive politike, nëse zgjedhjet parlamentare do të mbaheshin këtë javë.
Ky sondazh është zhvilluar në kuadër të zgjedhjeve të 11 majit dhe ka matur preferencat aktuale të votuesve.
Sipas rezultateve, Partia Socialiste kryeson me numrin më të madh të mandateve, e ndjekur nga Partia Demokratike dhe Partia Social Demokrate.
Parashikimi i mandateve sipas sondazhit:
- Partia Socialiste (PS): 71-74 mandate
- Partia Demokratike (PD): 49-55 mandate
- Partia Social Demokrate (PSD): 3 mandate
- KNSHB (Partia e Lapaj): 1-4 mandate
- Lëvizja Bashkë: 0-3 mandate
- Partia Mundësia: 0-3 mandate
- Koalicioni Euroatlantik: 0-1 mandat
Sondazhi ofron një panoramë të qartë mbi tendencat aktuale elektorale në prag të zgjedhjeve.
