Koha e rregullt e ndeshjes Liverpool-PSG përfundoi me rezultatin 0-1 për parizienët. Francezët kaluan në avantazh që në minutën e 12-të, falë një kombinimi shumë të bukur Barcola-Dembele, ndihmuar dhe nga një moskuptim mes portierit Alisson dhe mbrojtësve të Liverpool, shfrytëzohet në mënyrën e duhur nga sulmuesi francez, i cili dërgon topin në rrjetë.
Pavarësisht tentativave dhe rasteve të shumta për të dyja ekipet, rezultati mbeti i pandryshuar deri në fund të kohës së rregullt. Duhet përmendur që Gigio Donnarrumma ka bërë një super ndeshje dhe e ka shpëtuar ekipin e tij disa herë nga goli. Duke qenë se edhe sfida e parë kishte përfunduar po me këtë rezultat, ndeshja shkoi në kohën shtesë prej 30 minutash.
Rezultati vazhdoi po i njëjtë edhe në pjesën e parë të shtesës dhe nuk ndryshoi as në të dytën. Si përfundim, ekipet iu drejtuan “ruletës ruse”, aty ku skuadra e drejtuar nga Luis Enrique u tregua më e saktë. Për Liverpool gabuan Nunez dhe Jones, penalltitë e të cilëve u pritën mjeshtërisht nga Donnarumma, heroi i takimit. SHIKOPENALLTITE
