PSG është mundur 0-1 në “Parc des Princes nga Liverpool”, në ndeshjen e parë të fazës së 1/16-ve në Champions League. Pjesa e parë e foli e gjitha për PSG-në, e cila e dominoi Liverpool-in me lojë por edhe me shumë raste.
Në minutën e 20-të, Kvaratskhelia shënoi një gol shumë të bukur, por festa e gjeorgjianit dhe yjeve të PSG-së u prish nga ndërhyrja e VAR, që e anulloi golin për pozicion të parregullt milimetrik të njërit prej lojtarëve të ekipit francez.
Falë pritjeve të shumta të Alisson për Liverpool, pjesa e parë u mbyll në shifrat e bardha 0-0. Edhe në 45 minutat e dyta, PSG provoi të gjente golin e avantazhit por nuk ia doli dot.
Atëherë kur u mendua se ndeshja do shkonte drejt barazimit, një aksion i shpejtë i të kuqve, Nunez asiston në mënyrë perfekte për Harvey Elliott, i cili dërgon topin në portën e mbrojtur nga Donnarumma,në minutën e 87-të. Rezultati përfundimtar 0-1 për Liverpool. Ekipi i drejtuar nga Arne Slot merr një fitore tejet të rëndësishme për kualifikimin drejt çerekfinaleve.
