Të bërit aktivitet fizik është i dobishëm për shëndetin e zemrës, por jo gjithmonë gjejmë kohën dhe motivimin për t’u ushtruar. Studimet tregojnë se edhe një sasi e vogël aktiviteti fizik mund të sjellë përfitime të jashtëzakonshme.
Sipas ekspertëve, për ata që nuk bëjnë fare aktivitet fizik, edhe një orë ose dy në javë me ecje të shpejtë ose çiklizëm të lehtë mund të reduktojë rrezikun e sëmundjeve kardiovaskulare deri në 20%.
Efektet rriten me intensitetin
Studimet tregojnë se përfitimet më të mëdha shëndetësore vijnë nga aktiviteti i moderuar dhe i rregullt, ndërsa ushtrimet me intensitet të lartë, si stërvitjet Hiit (High-Intensity Interval Training), mund të japin rezultate më të shpejta në uljen e tensionit të gjakut dhe kolesterolit. Një stërvitje Hiit zakonisht zgjat vetëm 20 minuta dhe përbëhet nga intervale të shkurtra aktiviteti intensiv, të ndjekura nga pushime të shkurtra.
A mjafton ushtrimi vetëm në fundjavë?
Edhe nëse nuk keni kohë për t’u ushtruar gjatë javës, studimet tregojnë se aktiviteti fizik i përqendruar vetëm në fundjavë ka të njëjtat përfitime për zemrën sa ai i shpërndarë gjatë gjithë javës.
Mesazhi kryesor është i thjeshtë: edhe një sasi minimale e aktivitetit fizik mund të bëjë një ndryshim të madh për shëndetin tuaj. Për ata që janë plotësisht sedentare, fillimi me dy orë aktivitet në javë është një hap i madh drejt përmirësimit të shëndetit kardiovaskular.
