Sot, Stambolli është përfshirë nga protesta masive dhe përplasje pas anulimit të diplomës së kryetarit të bashkisë dhe kandidatit për president Ekrem Imamoglu, si dhe arrestimit të tij mëngjesin e së mërkurës.
Sipas raporteve nga mediat ndërkombëtare, ndonëse kishte ndalim, studentët e universiteteve u mblodhën për të protestuar. Policia tentoi të pengonte marshimin, por mijëra protestues, duke brohoritur për demokracinë, arritën të thyenin bllokadat e policisë.
Gjithashtu, jashtë portës kryesore, studentët i bënë thirrje të tjerëve për të mbrojtur të drejtat dhe liritë e tyre demokratike. Pas kësaj, marshimi u drejtua drejt bashkisë së qytetit në zonën e Saratchane.
Në protestë morën pjesë edhe studentë nga universitete të tjera në Stamboll. Policia turke ndali protestuesit para Shkollës Ekonomike.
Situata mbetet e tensionuar, ndërkohë që studentët kanë thënë se do të vazhdojnë protestat edhe në ditët në vijim.
