Princi Leka ka postuar për herë të parë një foto me partneren e tij të re, Blerta Celibashi, në profilin e tij në Instagram. Fotoja tregon çiftin në një sallë koncertesh, bashkë me mikeshën e tyre, Françeska Murati, e cila është shpesh pjesë e shoqërisë së tyre në evente të ndryshme.
Ky postim vjen pas një periudhe spekullimesh mediatike mbi lidhjen e Princit me Blertën, pas ndarjes së bujshme nga bashkëshortja e tij, Elia Zaharia. Princ Leka dhe Blerta janë parë shpesh në shoqërinë e Françeskës, e cila gjithashtu ka postuar foto me ta në rrjetet sociale, duke theksuar miqësinë e ngushtë mes tyre.
Përveç kësaj, Françeska Murati ka qenë e pranishme edhe në ditëlindjen e vajzës së Princit dhe Elia Zaharia-s, Geraldinës, disa muaj më parë, duke treguar se marrëdhëniet mes të treve janë të afërta dhe pa tensione. Ky është momenti i parë që Princ Leka publikon një foto me Blertën në rrjetet e tij sociale, ndërsa kjo e fundit kishte postuar më parë imazhe me të.
