Princi Harry dhuron 1.1 milion paund për “Fëmijët në Nevojë”
Princi Harry ka bërë një donacion personal prej 1.1 milion paundësh për projektin BBC Children in Need në Nottingham, i cili mbështet të rinjtë e prekur nga dhuna.
Gjatë vizitës së tij në studion komunitare të regjistrimit, Dukë i Sussex-it ndoqi performanca muzikore të të rinjve, përqafoi pjesëmarrësit dhe u shpreh se shpreson që ndihma e tij të ndihmojë në krijimin e hapësirave të sigurta e plot shpresë për gjeneratën e re.
“Nottingham ka qenë një vend ku kam dëgjuar histori të dhimbshme, kam mësuar shumë dhe jam ndjerë i frymëzuar,” tha ai, duke theksuar se dhuna ndaj të rinjve, sidomos krimet me thikë, po shkatërron jetë dhe familje. Princi vlerësoi përpjekjet e qytetarëve për të luftuar varfërinë, racizmin dhe pabarazitë arsimore.
Donacioni u bë nga fondet personale të princit dhe jo nga fondacioni i tij “Archewell”. Sipas drejtuesve të “Children in Need”, kjo shumë do të ndihmojë në krijimin e hapësirave ku të rinjtë ndihen të sigurt dhe të fuqizuar.
Princi Harry ndodhet në ditën e dytë të vizitës në Mbretëri të Bashkuar, ku ka marrë pjesë në disa aktivitete bamirësie. Ende mbetet e paqartë nëse gjatë kësaj vizite ai do të takohet me të atin, Mbretin Charles.
