Prel Martin Popaj, me origjinë nga Malësia e Madhe por që prej vitesh jeton në SHBA, është bërë shqiptari i parë që ka blerë tokë në hënë.
Në një intervistë televizive, prela tregoi certifikatën e tokës, teksa foli për paragjykimet që kishte hasur në shoqëri.
Pavarësisht gjithëçkaje, ai thotë se ndihet i lumtur për këtë investim që ka bërë!
Pjesë nga intervista:
“Përshëndetje, fillimisht i uroj shqiptarëve festat! Ajo nuk quhet tokë në hënë por sipërfaqe në hënë. Arsyeja ishte kot për qejf, si i themi ne andej nga Malësia e Madhe, “Për zog t’qejfit”!
Çmimi po them një kafe në ditë për shumë vite. Kjo është dhe certifikata. Unë isha në një studio telefizive me disa miq, kam lexuar shumë për hënën dhe thashë me që mu dha rasti do ta blej.
Miqtë e mi dhe familjarët më kanë përkrahur, “Bravo të qoftë”, më thanë. Ndërsa njerëzit në përgjegjësi ose nuk e kuptojnë, ose injoranca dominon mbi inteligjencën dhe e paragjykojnë.
Ishin një ditë disa shokë në kafe dhe kur shkova thanë: Erdhi ky që ka blerë tokë në hënë. Unë nuk u mërzita po ata më thanë më mirë lekët t’ia kishe çuar një familje që ka nevojë në Shqipëri.
I thashë, kjo paketë që ti po pi kushton 8 dollarë më e lira në Amerikë, dhe ti po djeg 250 dollarë në muaj, pse nuk i ndihmok ti po më paragjykon mua për një kafe në ditë.
Por unë jam shumë i lumtur”, tha Prela.
Dokumenti:
