Portugalia bëhet vendi i katërt që njeh zyrtarish Palestinën, pas Kanadasë, Australisë dhe Britanisë së Madhe.
Ministri i Jashtëm i Portugalisë, Paulo Rangel, njoftoi të dielën se vendi tani e ka njohur shtetin e Palestinës.
Ai tha se “Portugalia mbështet zgjidhjen me dy shtete si e vetmja rrugë drejt një paqeje të drejtë dhe të qëndrueshme.
Rangel deklaroi se një armëpushim është urgjent, ndërsa theksoi se Hamasi “nuk mund të ketë asnjë formë kontrolli në Gaza apo jashtë saj”.
Ai gjithashtu kërkoi lirimin e të gjithë pengjeve.
Rangel shtoi se njohja e shtetit të Palestinës “nuk e fshin katastrofën humanitare në Gaza”, dhe ai dënoi situatën e urisë dhe shkatërrimin dhe në Bregun Perëndimor.
