Policia e Shtetit ka goditur dy raste të tregtimit të kundërligjshëm të lëndëve piroteknike në Vlorë dhe Dibër.
Në Vlorë u sekuestruan 691 copë lëndë piroteknike (fishekzjarre), ndërsa u procedua penalisht pronarja e subjektit, shtetasja L.V, 64 vjeçe.
Ndërsa në Dibër, policia konstatoi tre dyqane ku mbaheshin sasi fishekzjarresh dhe kapsollash, në kundërshtim me rregullat dhe kriteret e përcaktuara.
Tre persona u proceduan penalisht, ndërsa kutitë me lëndët piroteknike u sekuestruan.
