Sot, në orën 18:30, qytetarë të shumtë u mblodhën në sheshin “Skënderbej” në Tiranë për të shprehur solidaritetin e tyre me popullin e Gazës.
Nën sloganin “Nga Tirana në Gaza, zëri i lirisë nuk ndalet”, pjesëmarrësit synonin të ngrinin zërin kundër dhunës dhe padrejtësive që po përjeton popullata palestineze.
Megjithatë, ndonëse aktiviteti ishte njoftuar dhe organizatorët kishin marrë lejen për zhvillimin e tij, Policia e Shtetit ndërhyri për ta ndaluar tubimin. Siç shihet edhe në pamjet e publikuara, efektivët u kërkuan protestuesve të ndërprisnin marshimin dhe të mos shfaqnin flamurin palestinez.
