Për të siguruar zhvillimin e qetë dhe të sigurt të garës ndërkombëtare “Giro d’Italia” në Tiranë, janë ndërmarrë masa të veçanta nga Policia Rrugore për të lirosh hapësirat e bllokuara nga automjetet që janë parkuar gabimisht. Procesi i zhvendosjes së automjeteve ka filluar dhe do të vijojë deri në momentin që të lirohen plotësisht rrugët e përfshira në itinerarin e garës.
Makina të parkuara për një kohë të gjatë në rrugët e njoftuara si të bllokuara do të largohen me karrotrec dhe do të transportohen në një hapësirë të dedikuar, pranë rrugës së vjetër të Farkës, ku pronarët mund t’i tërheqin pas mbylljes së garës. Ky aksion ka për qëllim të mundësojë kalimin e sigurt dhe pa pengesa të garës, e cila ka një rëndësi të madhe për imazhin e Shqipërisë.
Drejtoria Vendore e Policisë Tiranë apelon qytetarët që të tregojnë mirëkuptim dhe të shmangin parkimet në akset e përfshira në itinerar, për të siguruar zhvillimin e garës në kushte optimale.
