Policia e Shkodrës ka proceduar penalisht një 66-vjeçar, i cili dyshohet se ka kërcënuar me thikë një 53-vjeçare.Sipas njoftimit të policisë, shtetasi V. D., banues në fshatin Guri i Zi, vuante nga probleme të shëndetit mendor dhe pas ndihmës së ofruar nga autoritetet, ai është dërguar menjëherë në Spitalin Psikiatrik të qytetit për trajtim të mëtejshëm.
Njoftimi i policisë:
“Specialistët për Hetimin e Krimeve të Komisariatit të Policisë Shkodër referuan materialet në Prokurori, ku filloi procedimi në gjendje të lirë për shtetasin V. D., 66 vjeç, banues në fshatin Guri i Zi, pasi dyshohet se ka kanosur me mjet prerës (thikë), një 53-vjeçare. Shtetasi V. D. u dërgua në Spitalin Psikiatrik Shkodër, pasi dyshohet se vuan nga probleme të shëndetit mendor”.Materialet procedurale iu referuan Prokurorisë Shkodër, për veprime të mëtejshme.
