Policia e Kosovës është duke zhvilluar aksion në veri të Mitrocivës. Mësohet se aksioni po zhvillohet në zyrat ilegale të qendrës për punë sociale, ndërsa sipas zëvendësdrejtorit të Policisë, Veton Elshani, lidhet me 8 arrestimet që u bënë një ditë para zgjedhjeve në Kosovë.
“Me 08 shkurt 2025 një ditë para zgjedhjeve Parlamentare në Kosovë, ne kishim arrestuar 4 persona (zyrtar të Qendrës për Pune Sociale ne Zubin Potok) në lidhje me veprën cënim i përcaktuesve të votuesve.”, tha Elshani.
Elshani bën me dije se nga këto zyra, dyshohej janë thirruar qytetarë të ndryshëm në telefon në formë kërcënimi për t’i detyruar apo udhëzuar se si të votonin një parti politike. Sipas tij, policia ka njoftuar Prokurorinë Themelore të Mitrovicës për kontrollin, ndërsa thotë se do të njoftohet për provat e gjetura për vijuar me hapat e mëtejmë.
“Prokuroria Themelore ne Mitrovicë e ka aprovuar kërkesën tonë dhe e ka dërgu mandej kërkesën e vet për urdhër të kontrollit në Gjykatë gjë të cilën edhe e ka marrë dhe tani jemi ne kontroll te këtyre qendrave me urdhër te Gjykatës. Pas kontrollit të këtyre vendeve ne do te njoftojmë prokurorinë me te gjeturat e cila mandej do te vendos për hapat e mëtejmë”, tha Elshani.
