Katër shqiptarë janë dënuar në Angli me një total prej mbi 14 vite burg për shkak të drejtimit të një laboratori kanabisi në Grays, Essex.
Operacioni policor, i kryer më 3 qershor në Globe Industrial Estate, zbuloi dy ambiente të mëdha kultivimi me rreth 230 bimë kanabisi. Bimët e konfiskuara peshonin 46 kg dhe vlerësoheshin në afërsisht 100,000 £.
Të dënuarit, të cilët u deklaruan fajtorë për prodhimin e kanabisit, dënuar më 31 tetor në Gjykatën e Kurorës në Basildon, janë:
· Ervin Sadikaj, 34 vjeç: 4 vite e 8 muaj burg.
· Besjan Mustafaj, 32 vjeç: 4 vite burg.
· Albest Deda, 27 vjeç: 3 vite burg.
· Pashk Gjonaj, 32 vjeç: 3 vite burg.
Duke komentuar rastin, detektivi Serxhand David Crane theksoi se tregtia e paligjshme e kanabisit është një “helm” që shkatërron jetët dhe shpesh shoqërohet me dhunë dhe shfrytëzim. Ai vlerësoi ndihmën e publikut, e cila është thelbësore për të çuar para drejtësisë fajtorë të tillë.
