Diskutimi mbi transfertën e tifozëve të Maccabi Tel Aviv për ndeshjen e Europa League kundër Aston Villës në Birmingham ka marrë vëmendje të madhe në Mbretërinë e Bashkuar. Raportet e fundit sugjerojnë se policia e West Midlands po heton lidhjet e disa tifozëve izraelitë me Ushtrinë Izraelite pas një njoftimi nga autoritetet holandeze, ku u paralajmërua për rrezikun e dhunës nga mbi 200 tifozë.
Polemikat u intensifikuan kur qeveria britanike e quajti ndalimin e transfertës si një masë antisemitike. Ministrja e Kulturës, Lisa Nandy, u shpreh se vendimi ka të bëjë me faktin se tifozët janë izraelitë. Megjithatë, policia përgënjeshtroi këtë akuzë dhe tha se ndalimi është i bazuar ekskluzivisht në rreziqet për dhunë, duke theksuar se kjo grupim tifozësh ka histori përplasjeje në vende të tjera.
Ish-lideri laburist Jeremy Corbyn e kritikoi ashpër qeverinë, duke thënë se po përdor një çështje të sigurisë publike për përfitime politike dhe duke gënjyer opinonin publik. Një deputet i pavarur, Ayoub Khan, mbështeti vendimin për ndalimin e tifozëve, por gjithashtu raportoi se kishte marrë kërcënime për këtë pozicion.
Ndërkohë, Bashkia e Amsterdamit ka vendosur të ndalojë praninë e tifozëve të Maccabi Tel Aviv pas incidenteve të dhunshme të vitit të kaluar. Për sa i përket ndeshjes së së enjtes, përcaktohen 700 oficerë policie për të menaxhuar protestat pro-palestine që kanë shpërthyer, duke theksuar se disa grupe e konsiderojnë të papranueshme pjesëmarrjen e klubit izraelit në këto kompeticione për shkak të situatës në Gaza.
Policia e West Midlands ka raportuar gjithashtu ngjarje të dhunshme në Amsterdam, duke përfshirë grisjen e flamurit palestinez dhe këngë antiarabe, të cilat kanë shkaktuar frikë për përplasje gjatë qëndrimit të tifozëve në Britani. Ndalimi i tifozëve të Maccabi Tel Aviv ka nxitur debate të forta për rreth situatës dhe rreziqet që lidhen me të.
