Kjo vajzë e re në Iran zgjodhi një mënyrë ndryshe të protestës, pasi disa oficerë të sigurisë e ngacmuan fizikisht pasi ajo nuk kishte vënë si duhet shaminë e kokës.
Vajza doli në këtë mënyrë në mes të njerëzve përpara universitetit të saj, duke protestuar kundër rregullave strikte të veshjes. Rojet e sigurisë u munduan që ta ndalojnë të renë.
Zëdhënësi i Universitetit Amir Mahjob tha se e reja vuante nga një çrregullim mendor, por për përdoruesit e rrjeteve sociale veprimi i së resë ishte një protestë e qëllimshme. Disa media të huaja shkruajnë se e reja është dhunuar fizikisht nga policët.
Një numër në rritje i grave kanë sfiduar autoritetet duke hequr shamitë e kokës pas protestave mbarëkombëtare që pasuan vdekjen e 22-vjeçares Mahsa Amini në shtator 2022, e cila dhunua për vdekje nga policia e moralit për shkelje të rregullave të hixhabit.
