Autoritetet detare franceze kanë kryen 12 operacione shpëtimi përgjatë brigjeve të Francës veriore në ditën e Krishtlindjes, duke shpëtuar 107 persona në vështirësi nga varkat e vogla që përpiqeshin të kalonin në Mbretërinë e Bashkuar. Ditën e Krishtlindjeve, 30 pasagjerë u shpëtuan nga një varkë pranë qytetit Dunkirk, ndërsa disa të tjerë dëshironin të vazhdonin udhëtimin e tyre dhe u morën në paraburgim britanik pasi arritën në ujërat e Mbretërisë së Bashkuar.
Ndërsa një tjetër varkë pësoi dëmtim të motorit pranë Dunkirk. Pasagjerët e saj kërkuan ndihmë dhe të gjithë 51 personat në bord u shpëtuan. Më vonë, 26 persona u shpëtuan nga një varkë tjetër. Më shumë se 450 njerëz kaluan Kanalin me varka të vogla në ditën e Krishtlindjes, sipas Zyrës së Brendshme.Shifrat, të përditësuara të enjten, treguan se 451 persona mbërritën me 11 varka. Hera e fundit që dihet se kishin mbërritur anijet me emigrantë ishte më 14 dhjetor, kur 160 persona mbërritën me tre varka.Kushtet e motit në ditën e Krishtlindjeve bënë që ujërat e Kanalit të ishin relativisht të qeta me më pak erë, duke bërë që më shumë njerëz të tentonin kalime të rrezikshme. Shumë nisje u vunë re në bregun verior francez gjatë asaj që autoritetet e quajtën një ditë “intensive”.
