Deputeti socialist Plarent Ndreca është personazhi i radhës nga zyrtarët e Rilindjes i cili duket se po shkon drejt burgut!
Ndreca tashhmë është marrë i pandehur nga Prokuroria e Posaçme kundër Korrupsionit dhe Krimit të Organizuar. SPAK pritet t’i komunikojë Ndrecës akuzën e ‘Shkeljes së barazisë në tendera’.
Rasti lidhet me një tender që është zhvilluar në kohën kur Ndreca mbante postin e Sektretarit të Përgjithshëm në Ministrinë e Brendshme. Ky tender kishte si objek rikostruksionin e 4 prej komisariateve të policisë në vend.
Ishte një audit i Kontrollit të Lartë të Shtetit që gjeti një rritje të kostos së ndërtimeve në mënyrë të paargumentueshme. Për këtë arsye KLSH e depozitoi çështjen në SPAK për hetime të mëtejshme. Në përfundim të hetimeve, Ndrecës i është dërguar një fletëthirrje për ta njohur me masën e sigurisë.
Kujtojmë se 4 ditë më parë, në 20 tetor 2024, kolegu i Plarent Ndrecës, Jurgis Çyrbja i cili u akuzua për “korrupsion aktiv zgjedhor”, “përkrahje të autorit të krimit” dhe “tregtim të sekretit shtetëror”. Ky seri ngjarjesh ka tronditur skenën politike dhe publike në Shqipëri, duke ngritur shqetësime për korrupsionin në nivel të lartë.
