Një ngjarje e rëndë ka ndodhur në Korçë, ku një person ka plagosur me thikë ish të dashurën dhe më pas është larguar.
Bëhet me dije se ngjarja ka ndodhur në vendin e quajtur “Trekëndëshi”, ku një grua u qëllua me thikë, nga I. Cani.
Mësohet se gruaja në fjalë dhe autori kishin pasur një përplasje kohët e fundit, që mëngjesin e sotëm ka degraduar sot në përdorimin e thikës. Shkak i konfliktit ka qenë ndarja mes tyre.
Gruaja është dërguar në spital dhe ndodhet nën kujdesin e mjekëve, ndërsa autori është arrestuar dhe po merret në pyetje me ngjarjen. Cani është një person i njihur për policinë pasi ka qenë i dënuar më parë për përndjekje.
“Rreth orës 10:00, në lagjen nr. 4, shtetasi I. Ç., 41 vjeç, dyshohet se ka goditur me mjet prerës thikë shtetasen M. Ç., e cila u dërgua për mjekim, në spital, dhe është jashtë rrezikut për jetën.
Autori i dyshuar, shtetasi I. Ç.(i arrestuar dhe më parë për përndjekje të kësaj shtetaseje), është kapur nga shërbimet e Policisë dhe është shoqëruar në ambientet e Komisariatit të Policisë Korçë, për veprime të mëtejshme procedurale.
Grupi hetimor po punon për sqarimin e rrethanave dhe dokumentimin ligjor të rastit”, njofton policia.
