Gjykata e Shkallës së Parë në Kukës ka vendosur burg pa afat për Sebastian Muçmatën, autori i dyshuar i plagosjes së Elvis Halilajt, kushëririt të kryebashkiakut të Kukësit Albert Halilaj.
Muçmata ka dal sot para togave të zeza rreth orës 11:00, ku është njohur me masën e sigurisë. Ai akuzohet për vrasje me dashje mbetur në tentativë në bashkëpunim dhe mbajtje të armëve dhe municioneve luftarake pa leje.
Më herët ai ka dëshmuar se konflikti nisi për shkak të detyrës së vëllait. 25-vjeçari Sebastian Muçmata është vetëdorëzuar në polici, duke dorëzuar edhe armën e zjarrit me të cilën plagosi mëngjesin e së mërkurës 29-vjeçarin Elvis Halilaj, kushëririn e kryebashkiakut të Kukësit, Albert Halilaj.
Sipas Policisë së Kukësit, vetëdorëzimi i të riut u bë i mundur pas kontrolleve të vazhdueshme dhe komunikimeve me familjarët e tij. Ngjarja ndodhi pas një konflikti mes dy të rinjve, i cili eskaloi deri në përdorimin e armës pranë banesës së viktimës.
